CARTA PARA AS FAMILIAS DE INFANTIL

Queridas familias:

Pode que vos estedes preguntando cómo vades a facer para que as nenas e nenos non perdan o trimestre estando na casa sen ir á escola. Por esa razón quero propoñervos unha serie de tarefas que podedes levar a cabo con eles, pero tamén quero que teñades en conta que non debedes agobiarvos vós, nin a eles tampouco nestes momentos nos que as cousas están tan patas arriba.
Compartireinas no blog para que así podades consultar as dúbidas que precisedes e facer os comentarios que consideredes oportuno. Os vosos fillos e fillas senten tanto medo coma nós agora mesmo, eles están escoitando todo o que está a suceder e notan a nosa ansiedade. Nunca antes experimentaran algo así e tamén se senten atrapados na casa e non  poden ver aos seus amigos e amigas. Isto tamén pode causar alteracións no seu comportamento, pero quero recalcar que o que nenesitan agora é sentirse protexidos e queridos. Sentir que todo vai a estar ben. Na medida das posibilidades xogade con eles fóra e facede paseos ou abride as ventás aproveitando o maior espazo exterior co que contedes. As miñas propostas a prtir deste momento van a xirar arredor das cousas que son cotiás e que se poden desenvolver sinxelamente nos vosos fogares, lembrade que so son propostas e que se non as podedes levar a cabo pola razón que sexa non teñen caracter obrigatorio nin serán avaliables na escola.
Non vos agobiedes por se quedan sen facer os traballos que temos na escola, estas propostas que vos envío poden suplilos sen moito problema e seguro que a vós se vos van a ocorrer outras moitas tamén. Cando voltemos ao cole, adaptarémonos a un ritmo que a eles lles vaia ben. Ese é o noso traballo como mestres, somos expertos niso.  Non lles impoñades tarefas que non queiran facer nin pelexedes con eles porque non queiran facelas. É importante que teñades en conta que o equilibrio emocional e a súa saúde mental son máis importantes que os contidos académicos que podan aprender ou non. E como viviron e se sentiron durante este tempo, quedará con eles quizais para o resto das súas vidas. Por iso tede moita paciencia e queredeos moito todos e cada un dos días que teñamos que estar metidos nas nosas casas.

Sei que de todo isto xa sodes  moi conscientes, pero quero recalcalo para que non vos agobiedes. Aquí vos deixo algunas recomendacións por se vos axudan:

            -  Implicade aos nenos/as nas tarefas da casa, así sentiránse útiles e responsables dalgunhas que eles podan facer ( recoller a súa roupa sucia, facer a cama…).

            -  Non deixedes que se conecten a unha pantalla todo o día. Conectade vós con eles, escoitádeos, adicádelles o tempo que podades. 


            -  Podemos facer ximnasia en familia, 
ioga, cociñar, xogar aos xogos de toda a vida, ver películas xuntos…

               Pero tamén é importante que busquedes un tempo para vós, para descansar algo e recargar enerxías sempre que podades. Necesitaredes estar ben para poder atender aos demáis. 


            E sobre todo non alarmedes aos nenos pola situación que estamos vivindo.
Seguro que desta situación podemos saír en certo modo un poco máis fortes e resistentes aos empurróns da vida. Porque xa sabedes que de todo se aprende.

Quero mandarvos unha chea de bicos virtuais para todos.

Agardo poder vervos pronto na escola.

Ana.