ENTREVISTA A UN PAPÁ EXPERTO EN TROITAS E ANGUÍAS

Esta mañá tivemos a sorte de contar con Luis, o papá de Marcos e experto en troitas e anguías, na nosa aula para contestar algunhas das nosas preguntas coa maior da paciencia do mundo. Foi un momentiño especial e tanto nos gustou que quedamos en que volverá para outro día, ainda que sexa no próximo curso, a facernos outra visita. Con el aprendemos de todo: qué comen as anguías e as troitas, cómo é a súa vida, onde nacen, canto tempo viven, como son de grandes... Que por dentro teñen un corazón e un cerebro pequechiños como a nosa unlla. Pero tamén nos contou como están máis ricas e como hai que facer para poder matalas e logo cociñalas. Dende aquí queremos darlle as grazas a Luís, e convidar a todos os demais papás e mamás a que se animen a virnos a contar todas aquelas cousas que eles tamén saben e que a nós nos encanta escoitarlles.